Aktive

Schlussturnen

Am Fritig dr 13. Januar hei sich öbe 25 Turner und Turnerinne zum traditionelle Schlussturne in dr Turnhalle troffe. Dr Knox und dr Andy hei das Schlussturne gleitet. Si hei sich sehr originelli Spieli usdänkt. Einzelni hei si e Wuche vorhär im Sälbschtversuech sogar miesse teschte will si nid sicher gsi si ob das überhaupt menschemöglich isch. A eim Poschte het me dr Fabienne e Rad miesse ab und wieder dra montiere uf Zyt. Ig mein notürlich dr Fabienne ihrem Auti.

Nachem sportliche- und Quizteil hei mir eus im gmietliche Teil gwidmet. Mitere Fleischplatte und e chli öbis z trinke isch fürs leibliche Wohl gsorgt gsi.

Somit chömme mr zu dr Rangverchündigung.

S einzige 3er Team het d Synergie optimal chönne nutze unds Schlussturne gwunne. Obwohl si z Dritt gsi si mög ig ihne dä Erfolg vo härze gönne. Ig gratulier dr Trix, dr Fabienne und im Fabiano.

Ufem 2.Platz wie scho so oft si s Denise und Ig glande. Ig hoff das mi Schlussturnkarriere ähnlich verlauft wie die vom Cuche. Dä isch o erscht mit 30ig zum Seriesieger worde.

Dr 3 Platz hei sich 2 Gruppe Teilt. Ig gratulier im Hansi und im Stoffi und im Yves und im Stef.

E grosses Dankschön im Knox und im Andy fürd Organisation vo däm tolle Obe.

Stefan Halbeisen