Kategorie: Bilder

Endlich war es wieder soweit und das Schlussturnen fand nach zweijähriger Pandemie bedingter Zwangspause wieder statt. Eine kleine Gruppe von meist jungen Turnern, die erfahrenen Aktiven waren anscheinend noch müde von den Turnfesten oder bereits in den Sommerferien, traf sich am Freitagabend um halb acht im Schulhaus. Das Schlussturnen war diesmal etwas anders, die Aufgaben und der gemütliche Teil fanden nicht wie im Winter drinnen, sondern jetzt im Sommer draussen statt. Nach der Gruppeneinteilung marschierten wir zum Dorfplatz, wo wir zwei Posten mit Wasser zu absolvieren hatten. Die nächste Aufgabe war ein Sprint den Weissweg hinauf, wo Miss Moneypenny auf ihren James wartete, ein Steinturm bauen war die letzte Aufgabe der zweier Gruppen. Das Ziel war bereits in Sicht, bei der Forsthütte stieg Rauch auf und die Würste waren innert Kürze heiss und das Bier war kalt gestellt. Vielen Dank den Helfern Yves und Steffi und bei allen welche an dem Schlussturnen teilgenommen haben.

PS: Gewonnen wurde das Schlussturnen von Nicolas und Mathis

Eurer Knox & Andy

12►

(NJ/JT) Nochem sehr glungene Start am Regioturnfest z Zwinge het me sich scho die ganzi

Wuche dure, völlig gfreut ufs Turnfestereignis vom Johr: s GlaBü. S Glarner und Bündtner Kantonalturnfest het scho im Vorfeld für Stimmig chönne Sorge und me het viel erwartet vonem – vorallem us festlicher Sicht. Für vieli ischs s erste grosse, uswärtige Turnfest gsii, wo grad mit über 5000 Turnende, eme riisige Festzelt, grosse Bar, Cocktail und Hudigäggeler Zelt, sowie eme athemberaubende Ambiente zwüsche all dene Glarner Berge vo sich Rede gmacht het. Bsunders gspannt isch me natürlich uf d Stimmig bidr Stubetegäng gsii, wozue oise TK-Chef au guet Werbig gmacht het. Bevor mr zum gmietliche und festliche Teil chömme, isch natürlich dr turnerisch Teil drah.

Uf die 11i am Morge het me sich z Röschenz besammlet, zum zämme die 3.5 stündigi Ahreis ah z trätte. In de Züg het me scho voller Vorfreut vom Obe gredet und d Ihdrück vom vergangene Wuchenend revue passiere loh. Au hei d Fraue vom Getu scho ihri Frisure ahvo mache, amigs im Gang, amigs zwüsche Täschene, am Bode miteme Chnü im Nacke.

D Fahrt isch doch schneller vergange wie erwartet und me isch in Nieder- und Oberurne usgstiige. Wenn dr Zug nitt ghalte hätt, hätt me allerdings nitt würklich bemerkt, dass das au würklich e Bahnhof sött sii; kei richtigs Perron, kei Haltstelleschild, keini Lüt.

Nocheme ¼-stündige Spaziergang sind langsam immer mehr Turnendi ins Blickfäld grohte und me het mit de Uftrittbühnene und Festzelt langsam die durchus grösseri Dimension vom Turnfest erkennt. D Schatteplätz sind rar gsii, so dass me s Gepäckdepot am Rand vonere grosse Wiise gmacht het, wos dure Tag sehr sehr heiss gsii isch und s i dr Nacht au nid vom starke Rägä gschützt gsi isch. Scho bim Ihturne het dr eint odr ander gmeint, s Gymnastikzelt oder e entfernt stehende Baum sieg doch gmietlicher füre Schlofplatz als die 30 Minute entfernti Turnhalle. 

So isch d Ziit cho, dass dr turnerisch Teil ahgfange het. D Pändelstafette Aktivi und 35+ hei dr Start geh ufere Bahn, wome normalerwiis eher füre Pfluegwettzieh, als zum renne benutze würd. D Sprintspezialiste hei dodrmit jedoch kei Problem kah und miteme 8.76 und eme 9.13 e starke Start higleit. Dodrbii dörf me au nitt vergesse, dass bide 35+ zwoii Turnerinne grennt sii, wo nonie binere PS80 mitgmacht hei.

D Fachtestahlage sind plötzlich 2 Meter chürzer gsii wie normal, was me bidr Inspektion vom Gländ bemerkt het und die entsprechende Turner hei sich miesse vorbereite und druf ihstelle. Wo s 35+ miteme 9.38 e witeri solidi Leistig het chönne zeige, so ischs de Aktive mitem e 8.12 mittelmässig gloffe.

Super Bühnene und vieli interessierti Zueschauer hei mr bide Schätzbare kah. Vom Gfühl her hei alli Riegene miesse sege, es sigi ähnlich guet gsii wie bim Regioturnfest z Zwinge und so isch me gspannt gsii uf d Note. Die hei ois leider durchwegs e chli enttüscht: 8.66 in dr Grätkombi, 8.22 im Gymnastik 35+ und 8.76 im Gymnastik Chliifeld. Durchgehend e halbi

Note tiefer wie erwartet. Z erwähne bliibt doh jedoch, dass me natürlich e sehr sehr starki

Konkurenz kah het. So het z. Bsp. dr Turnfestsiiger STV Mels sogar mit 3 schätzbare e 29.28 Endergebnis gschafft.

Am Endi isch me bide Aktive 17. worde mitere Note vo 25.86 und bide 35+ 11. mitere Note vo 26.73, womit jedoch beidi im vordere Drittel platziert gsii sind, was doch noch erfreulich gsii isch. 

Nochem turne isch vorem feste, und uf das hei mr ois jo scho dr ganzi Tag lang gfreut. S erste Bier, Panasch, Trojaka ice oder Zitro isch nochem letzte Uftritt vodr Gymanstik Chliifeld scho parat gstande und me het chönne ahstosse, uf die super Uftritt, uf die super Vorbereitige, uf d Kammeradschaft und ufe Verein.

Mitem gmeinsame Esse ischs witer gange, wo me nitt z viel Ziit het dörfe lo verstriiche. So het me bim Fasse vom Esse doch scho 20 vor 9ni kah und am 9ni het d Stubetegäng ahgfange. Sichtlich voller Vorfreud het oise TK-Chef d Vereinsmittgliider in dr Schnitzelhalle – wos allerdings keini Schnitzel geh het zum Esse – drzue animiert, sich nitt zu viel Ziit z loh, muess me DE Act vodr ganze Turnfestsaison doch vo Ahfang ah gseh. E paar Minute verspöhtig hets denne glich geh, abr am 15 ab 9ni isch me mitere neue Ladig Getränk zmitzt im Festzelt zu «Göschene-Airolo» und «Dunne mit de Gäng» am tanze gsii. 

Langsam het me sich 2 Tisch usgmacht, wos no Platz kah het und sobald e witer Platz frei worde isch, de au sofort ergatteret het. Dodrbii hei alli Gwunne: mir well mr erhöht hei chönne d Band gseh und no besser hei chönne fiihre und oisi Mittischbenutzer, well si in Gnuss hei dörfe cho mit ois zämmä z feste! Nur ei Turnerkammeradin vomene fremde Verein het nit so froid kah, so dass öpe 10 Lüt vom Verein vo ihre abem Bank «danced» worde sind mit eklatant starke Hüftschwüng. Tja, Spass cha ahnschiinend nitt jede ha. Spötistens bim «Pizzaiolo» het den jede gwüsst, wieso dass oise TK-Chef die riise Vorfreud uf das Turnfest verbreitet het. S komplete Festzelt isch so fescht am fiihre, gumpe und Spass ha gsii, dass s Zelt scho fast abghobe het. 

Knappi 1.5 Stund spöter sind d Stubete au scho ferti gsii und dr DJ Chris White het ahgfange mit de gängige Festlieder s Momentum z überneh. Me het witer gfiihrt, gschnupft und vertiefti Gspröch mit Turnende vo andere Verein gfiehrt 😉 Die witere Zelt sind natürlich au bezüglich «Festbarkeit» überprieft worde und e Gwitter het für die nötigi Abchielig gsorgt.

Wos den zum Thema Übernachte cho isch, het me schnell gmerkt, do het me ganz verschiedeni Vorstellige. So sind die einte zur offizielle Turnhalleunterkunft gange, anderi hei sichs bim Gymnastikzelt gmietlich gmacht, will s Bächli doch z breit für d schattesiite vom Baum gsi isch, wieder anderi sind absitz zumene Wohnblockihgang go schloffe, hei e Hotel ufgsuecht oder sind über e Stund in die falschi Richtig umhergiihrt und hei sichs denne voreme Ladeihgang vom Nochbersdorf gmietlich gmacht. Letzeri sind am nächste Tag denne au vom Ladebsitzer ufgweckt worde, hei aber anstell vomene Zämmeschiss, e ordentlichs Zmorge mit Gipfeli, Gunfi, Kaffi und allem was drzue ghört ahbote becho, was me dankend ahgnoh het. 

Au die eint odr ander mitelmässig gueti Idee sind ufcho. So hei sich 2 Getugruppierige denkt sii hole sich s Holzschild mit dr Gsamtnotte mit emene Acro vom Aschlagbrätt obe abe, und wecke so doch am 5i am Morge oise TK-Chef. Wobi das Grüppli dene vo Securitas druf ufmerksam gmacht worde isch, me sell doch sini bereits schlofende Vereinskollege NITT mit dem Holzschild schloh. Wo d Securitas denn aber wäg gsi si, isch aber ihre Plan doch no ufgange.

1234►