KITU

Mit vollem Elan heimer is 2011 gstartet und Chinder si mit Begeisterig wieder is
Turne cho.

Im Juni 2010 simer in Zwinge am Jugitag mit feuf Gruppe bim Hindernislauf und Pändelstafette gstartet. Für einigi Chinder isch es dr erschti Wettkampf gsi aber das
het me gar nid gmerkt, denn alli hei ihr Beschts gäh. Natürlich hei alli welli gwünne und am Schluss chame säge: Es het nume Gwünner gäh!!
Für e Turnerobe hei mir nach de Summerferien scho ab und zu i dä Turnstunge probt. D’Eskimos (Leiterinne) und Isbäre, Pinguine (Chinder) hei mit ihrne Turnibige und em Tänzli alli begeisteret. S’Lampefieber het sich glohnt und einigi si Enttüscht gsi, dass alles scho vorbi isch.
Bravo Kitu-Chinder das heiter super gmacht und machet witer so!!

I däm Johr weimer dört witer mache wo mr ufghört hei und zwar:

- Mit viel Turne, au lache, neus erläbe und usprobiere

- Witer am Jugitag mitmache in Grällige und wider euses Bescht gäh

D’Leiterinne, Gaby, Amanda und Sibylle säge vielmol Dangge für eure Isatz
und freue eus uf tolli Turnstunge