(NJ) Am Fritig, 10. Juni 2022, het in Vordemwald fürs Gymnastik 35+, Gymnastik Chliifäld und Gerätekombination dr ersti Wettkampf sitt Johre stattgfunde. Ufgrund vo Räge unter dr Wuche het me e Dorf witer miesse parkiere und miteme Shuttle-Bus noch Vordemwald fahre.
Gstartet het s Gymnastik Chliifäld, wo e super Vorfiehrig zeigt het, was mitere Note vo 9.32 und em 3. Platz belohnt worde isch. Witer ischs gange mitem Gymnastik 35+, wo ebefalls e super Vorfiehrig zeigt het und mitere Note vo 8.71 die besti 35+ Gymnastik zeigt het. Als letzt isch no d Grätekombination drah cho, wos erst ei Wuche zuvor no e Personelli änderig kah het und fast alli s erste Molle bide Aktive gstartet sind. Bidr Uffiehrig het me jedoch nix vo dem gmerkt, und mitere Note vo 8.80 und em 5. Platz isch me sehr zfriide gsi.
E Glungene start für drei vo oisne schätzbare Diszipline und e guets churzes Fest hei d Turnsaison 2022 final ihgleitet.
